Ukuhlazinywa kwezinjongo ezahlukene zokwethiwa kwamagama ezingane eziphilayo nezaphuphuma esigodini sakwaNdelu, Emzumbe

Abstract

Lolu cwaningo “Ukuhlaziywa kwezinjongo ezahlukene zokwethiwa kwamagama ezingane eziphilayo nezaphuphuma esigodini sakwaNdelu, eMzumbe.” luhlose ukubheka izinjongo ezahlukene zokwethiwa kwamagama abantu kakhulukazi izingane ezaphuphuma ngoba akusiyona into ekujwayelwe ukukhulunywa ngayo esizweni samaZulu. Ukwethiwa kwabantu abaphilayo kanye nezinye izinto ezikhona phansi komthunzi welanga kusobala. Isizwe samaZulu sidume kakhulu njengesizwe esikholelwa kakhulu emasikweni njengoba bekholelwa ekutheni lezi zingane ezaphuphuma zisuke sezingamadlozi ngakho-ke kumele zethiwe amagama kulandelwe usiko njengalezi eziphilayo. Lolu cwaningo luzoveza iqhaza elibanjwa usiko ekwethiweni kwamagama ezingane esigodini sakwaNdelu, eMzumbe, luphinde luveze ukubaluleka kwezingane ezaphuphuma neziphilayo kulandelwa isiko. Lolu cwaningo luzohlomisa ngokubaluleka kokwethiwa kwamagama ukuthi kungabamba iqhaza elingakanani emphakathini kanye nasezweni lonkana, luzophinde luveze umsuka walawo magama kakhulukazi lawa aqukethe umlando. Lolu lwezinjongo ezahlukene zokwethiwa kwamagama ezingane eziphilayo nezphuphuma esigodini saKwaNdelu, EMzumbe luzophenya ukuthi ngabe amagama aqanjwe kanjani kusetshenziswa ulimi lwesiZulu esigodini sakwaNdelu, eMzumbe. Lolu cwaningo lungasiza ukuthi likhumbuze liphinde ligqugquzele amaZulu ukuthi kubaluleke kangakanani ukwetha izingane ngamagama aqukethe umlando nencazelo. Ucwaningo lusebenzise indlela yokuqoqa ulwazi eqonda imvelo ukuphila kwabantu emiphakathini eyahlukene, okuyindlela yekhwalithethivu, esetshenziswe ukuthungatha ulwazi nezimvo ezethulwa ngababambiqhaza mayelana nokwethiwa kwamagama abantu. Izinjulalwazi ye-Dynamic nenjulalwazi yeSocio-Onomastics, zisetshenziselwe ukuthungatha nokuhluza imibono eyahlukene equkethwe ngamagama acwaningiwe. Lolu cwaningo luzohlola imigudu elandelwayo yokwethiwa kwamagama ezingane ezaphuphuma. Ukwethiwa kwamagama alezi zingane ezingazange zilibone ilanga kubaluleka ngedlela efanayo yokwethiwa kwezingane eziphilayo ngokosiko lwamaZulu ngoba kunezinkolelo zoluthi ziphinde zibe amadlozi kubantu abaphilayo. Ucwaningo luzoveza imigudu elandelwayo yokwethiwa kwamagama ezingane ezaphuphuma kanye neziphilayo. Ezinye zezinhloso zalolu cwaningo ukuveza umthelela odalwa ukushintshashintsha kwesikhatho ekwethiweni kwamagama kanye nosikompilo olulandelwayo uma kwethiwa amagama esizweni esigodini sakwaNdelu, eMzumbe. Ukufundisa abantu ngokubaluleka kwezimpande zabo